كلااااااااااااام جمييييييييييلللللللل

شباب مساء الخير عليكم
فى الحقيقة الكلام دا لقيتو فى ورق كان عندى قبال فترة وعجبنى بالجد كدا وحفظت منه جزء وحبيت اوريكم ليهو امكن اعجبكم:ـ

احزر وش منافق بى بشاشة يقلدك
حين تديو قفاك بى سياط لسانو يجلدك
وماتامن عدوك اذ حك ظفرك جلدك
نسبك للوراك صحيح ابوك الولدك

التجى من بعيد قسمتنا نتلقاها
حارة الشينة من الليك اكان سواها
لابتقدر تصل حدا تلزمو ياها
لا بداوى الذمن جرحك ولا بتنساها

اتنين اعملن لاترجى فوقن شكرة
لقمة فى جوف جعان زى الخضار فى الصحرة
وما تدخر رش بطولتك فى الرشاش والنترة
واصفح مستطاع واعمل حساب العترة


اتنين لاتصغر نفسك اتحاشاها
سيرة الناس وان كان الخلوق لايكاها
والبيوقدلو نار يوم بكرا بتوطاها
والجاب ليك خبار الناس اكيد اداها


الزول البكون اعوج بشك فى غيرو
يحسب كل زول فوق الرزيلة نصيرو
ياخدك بى جرايرو وحكمو فيك نصيرو
ابدا مابشوف عوجة رقبتو بعيرو