الجـــــــــزء الثاني

الجـــــــــزء الثاني
شهد قاعدة على نار تنتظر رفيجتها ريم . وفجأة تسمع صوت الجرس وتقووووم ركيييض عشان تفتح الباب بدون ماتلبس لا عباية ولا شيلة ، بطلت الباب ولقت ريم عند الباب وشهد طااااارت من الفرحة
شهد: هلا والله توه مانور البيت
ريم : هلا فيج . منور بأصحابه
دخلت ريم داخل وسلمت على والدين شهد . وراحوا فوق
شهد: ريووم وحشتيني موت يا الدبة
ريم: انتي اكثر
شهد : اقول شرايج نطلع
ريم : اممممممم أي اوكي
راحت شهد استأذنت من امها وابوها وطلعوا مع السايق وراحوا المجمع
في جلسة الشباب ربع جسووم
علي : اقول جسوم
جاسم: شنو اصغر عيالك جسوم ، تكلم عدل
علي : زين زين جاسم زين جذي
جاسم : أي هلون يلا قوووول آمر تدلل
علي: شخبار البنات اشوف ما تييب طاريهم؟
جاسم: والله انا مشغول عنهم هاليومين مع الوالد في الشركة
علي: اها ، زين بقول لك اليوم السهرة صباحي ، ونبيك تبيض الويه
جاسم: الله الله ياعيني ، افا عليك ابيض الويه
يوسف : الله الله عفية عاد احنا نبي العدد يكون كبييييييير لا تنسون كل واحد ييب معاه اكثر من وحدة
جاسم: افا عليك نعجبك
شهد : الوووووووووو
علي: هلااااا الحب شلونج ؟
شهد: مب زينة زفت اوكي
علي: افا ليش ؟!
شهد: انت وينك ولجنه لك حبيبة تسأل عنها ، ماتسأل عنها الا اذا تبسي شي، قول خلصني شتبي ؟
علي: افا ، افا ليش تكلميني من طرف خشمج ، لكن نقبلها من الحلو، كل شي ولازعل الحلو
شهد: آآآه منك ما اقدر على كلامك الحلو
علي: اقول حياتي
شهد: عيوني
علي : اليوم السهرة صباحي وابيج تكونين موجودة
شهد: من عيوني الثنتين .
ريم: هلا والله هلا بالزين كله
جاسم: هلا بيج .شلونج ؟
ريم: والله ماشي حالي بس منك
جاسم: افاااااااا انا زعلتج ! ليييييش؟
ريم: عنبو ولاتذكرني نسيت ريووم اكيد لقيت لك وحدة ثانية .
جاسم : لا لا انا ما انساج عسولتي والدليل ان اليوم في حفلة مع الشباب وكل واحد بييب معاه حبيبته وانا ابي افتخر فيج جدام الربع . وضروري انج تكونين موجودة
ريم: حاااااااضر من عنوني انت تامر امر وانا انفذ

في السهرة الصباحية
شهد وعلي وريم وجاسم ويوسف والربع عامة ً كانوا موجودين
بس هنـــــــا المفاجأة
شهد اول ما شافت اخوها جااااسم ماتت خوووف ولا بعد مع رفيجتها ريم . وجاسم بعد نفس الشي يشوف اخته مع رفيجه
جاسم: عن اذنج ريم قلبي بروح اكلم اختي
ريم تصرخ : جاااااااسم
جاسم: هلا
ريم: حبيبي لا تتصرف أي تصرف تأذي فيه اختك
جاسم: ريم اعتقد ان هذي اختي وانتي مالج دخل.
ريم: أي صح مالي دخل بس شهد صديقتي وماارضى عليها
جاسم: شنو صديقتج !!!
ريم: أي صديقتي وانا الي دليتها على ذي الطريج
اقتنع جاسم بكلامها وبعد مايصير اهو يرضى على بنات الناس ومايرضى على اخته .
انتظرونا في الحلقة القادمة