" حياة مراهقة "

بسم الله الرحمن الرحيم
شلونكم شخباركم
انا انطلقت وكتبت قصة واتمنى انها تعجبكم
انا بنزل جزء واحد اذا عجبتكم بكملها
اوكي
اتفقا
الجـــــــــزء الأول
اعرفكم ببعض الشخصيات والباقي انتو تعرفونه
ابو جاسم "عيسى" : رجال عصبي ولكنه طيب ويحب اعياله مووووت. اهو ابيض وعيونه صغيرة وطوله عادي، يتعب ويشقى عشان اعياله
ام جاسم "نرجس" : امرأة سمراء "غير عن زوجها " طيبة وعلى نياتها تصدق كل شي وتحب زوجها واعيالها . عندها : مريم وجاسم واحمد ومحمد وشهد
مريم : كبيرة اخوانها متزوجة بولد الجيران "سعيد " عايشين حياة حلوة وعندهم وحيدهم عبدالله عمره 7 سنوات .
جاسم : حامل اسم ابوه وبعده عزوبي عمره 20 سنة .
أحمد ومحمد : توأم ويشبهون بعض سمران على امهم . عمرهم 16 سنة .
شهد : أخر العنقود ودليعة موووووووت عمرها 12 سنة وكل شي تبيه ما ينرفض لها ، حلوة تهبل بيضة وشقراء وضعيفة وعينها عسلية . الكل يحسدها على جمالها الغير طبيعي . " بطلة قصتنا "
شهد: أفففففففففف ليش جذي الدنيا ملل ، ليش ابوي ما يسفرنا نفس الناس كل مجابل هالشركة << تكلم روحها
الأم كالعادة قاعدة في المطبخ تطبخ طبخات غريبة وعجيبة <<< طباخة الله يسلمكم
وإلا بدخلت شهد عليها : ماما وين بابا ؟
الأم : ابوج في الشركة حبيبتي ، خير تبين شي قولي لي انا تحت امرج
شهد تأففت وراحت غرفتها وقعدت على المسنجر، قعدت وااايد تنطر صديقتها حبيبتها ريم ، انتظرت وانتظرت وتمللت وتوها بتقوم وإلا ريم تدخل المسنجر ، شهد صارت مينونة << تحمل حب غير طبيعي لهذي البنت
شهد : هلا هلا ، توه ما نور المسنجر
ريم :هلا ، تسلمين
شهد : وينج صار لي زمان انتظرج .
ريم : لا كنت طالعة .
شهد : اهاا ، وين طالعة ؟ >>> ملقوفة
ريم : رحت المجمع <<<<<<<< بنااات ماعندهم غير المجمعات
شهد: اها ، اوكي ريووم حبيبتي بقول لج شي
ريم : قولي
شهد: انا زهقانة وابيج تيين لي البيت
ريم : قولي جذي من اول بدون مقدمات .
شهد : هههههههه
ريم : اوكي بيي لج على الساعة 4 العصر
شهد : اوكي
وقعدوا يهذرون <<< بنات ما تخلص سوالفهم
وإلا بدخلت الأم على شهد: شهودة يلا ماما قومي تغذي
شهد : انشاء الله ماما
وسكرت المسنجر ونزلت تحت
شهد من نزلت تحت فرحت واااايد
لأن شافت ابوها موجود . وعلى طول راحت حضنته
شهد : بابا ليش ماقمنا نشوفك ؟
الأب : أنا ايي بالليل بس القاج نايمة بس اليوم ييت على شانج .لأنج سألتي عني .. امج قالت لي .. ومن يوم ورايح على طول راح تلقيني جدامج .
فرحت شهد وايد والأم طالعت شهد بنص عين
وقعد الكل ياكل ماعدا التوامان
جاسم : يا التوأمان ليش ما تاكلون
أحمد ومحمد : احنا زعلانين
جاسم : افاا من زعلكم ؟
قاموا يطالعون في شهد
شهد واهي ميتة خووف : شفيكم تطالعوني انا شلي دخل
الأب : شهودة شمسوية ؟
شهد : تبون الصراااحة او اجذب ؟
الكل : اكيد نبي الصراحة
شهد : انزين بقول والي يصير يصير
الأب واهو معصب : يلا قولي لا تحرقين اعصابنا .
شهد: كل مافي السالفة اني ماخذة الرصيد مالهم لأن رصيدي مخلص .
الكل ضحك عدا التوأمان وشهد
الأم الله يأدب بليسكم كل هذا عشان رصيد صج يهالو .. الحين نعطي أحمد ومحمد كل واحد رصيد
شهد : وانا نسيتوني
الأب : انتي خذيتي رصيدهم خلاص مالج رصيد . يلا يكملو غذاكم ولا تزعلون يا التوأمان
خلصوا الغذا . وركبت شهد فوق وتذكرت شي وعلى طول نزلت : ماما بابا
الأم والأب : خير ما تخلونا نقعد شوي بروحنا
الأم والأب قعدوا يطالعون بعض مستغربين !
شهد : ريم صديقتي بتييني بعد شوي واحتمال نطلع ، وانا ابي فلوس
الأب يبي الفكة عشان يقعد مع حبيبته فعطاها الفلوس بدون أي نقاااش . وعلى طول شهد راحت غرفتها وتكشخت عشان حبيبة القلب .
انتظرونا في الحلقة القادمة من مسلسل " حياة مراهقة "

أريد الجزء الثاني يلا

اوك لاكن لسى ما طلع الجزء التاني